اعذروني لإنى هتكلم بالعامية المرة ديه عشان أجيب من الآخر بإذن الله .. !
و طبعا هيبقى الكلام فى نقط و على بلاطة ! ، و كلها بتتكلم عن ليه ننتخب حزب الحرية و العدالة مهما كانت توجهاتنا الفكرية .. (( و ياريت قبل ما حد يرد ، يقرأ الكلام بالكامل مش هياخد 5 دقايق ..... و الكلام هيكون جد على هزار كده تخفيفا لجرعة التوتر و العصبية ))
1- فى الأول كده أرد على السؤال التقليدي .. أما انتم طماعين أوي !! ، مش كفاية الأغلبية اللى أخدتوها لغاية دلوقت ؟؟
الإجابة : لأ .. البحر يحب الزيادة ، و طالما باختيار الشعب فانشالله ياخد 101% مفيش مشكلة .... و الدول اللى تقدمت بسرعة حوالينا كان فيها حزب أغلبية بينفذ برامجه بسلاسة.. مثال تركيا ، لم تتقدم إلا عندما حصل حزب العدالة و التنمية على الأغلبية سنة 2002 ، و فى المرتين انتخابات اللى بعدها الأتراك ادوله أغلبية أكبر .. فى انتخابات 2011 ، حصل على ثلثين المقاعد إلا 4 مقاعد !!
نقطة مهمة .. تحالف حزب الحرية و العدالة حتى الآن فى حدود الـ 45% من المقاعد ، و لم يحصل على أغلبية ، و فى كل الأحوال كل منا يدعو للطرف اللى شايفه الأجدر ، و لإن الانتخابات نزيهة و نسبة التصويت عالية جدا ، فهتلاقى الكل موجودين فى البرلمان ، لكن كل واحد بوزنه .
2- لو عايز توافق وطني .... مين يؤتمن عليه أكتر من طرف رغم إنه الأقوي و لو نظريا ، فهو فاتح دراعه للجميع و بيدعوهم للتحالف معاه ؟؟ .. و حتى اللى ما تحالفوش معاه مستعد للتوافق معاهم عشان مصلحة مصر ، و بيقول إن مصر لازم الكل يشارك فى شيل تركتها التقيلة .
3- لو عايز برلمان متوازن .. اختار الميزان برضه .. لإن حزب الحرية و العدالة ما اكتفاش بقوته و خبرته الانتخابية ، إنما أصر على التحالف مع أكببر عدد ممكن من الأحزاب ، و رغم إن أغلبها ساب التحالف الانتخابي ، فهو كمل مع الأحزاب الباقية مع إنها صغيرة جدا مقارنة بيه .
و فيه تنوع كبير .. هو و حزب العمل إسلاميين ، حزب الكرامة قومي عروبي ، حزب غد الثورة و الحضارة ليبراليين .. الخ
حتى الآن نجح حوالى 15 من مرشحي الأحزاب ديه على قوائم الحرية و العدالة ..
ملحوظة : رقم 4 فى قائمة الغربية 1 ، الأستاذ أبو المعالي فائق هو الأمين المساعد لحزب العمل ، و له مدونة اسمها " لقمة عيش " .
4- لو انت توجهك إسلامي ... و محتار بين كذا حزب بيحملوا نفس الفكرة - وكلهم إن شاء الله مخلصين - ، اختار الحرية و العدالة برضه ..
لإنه ملتزم ببرنامج إسلامي وسطي شامل ، و عنده كفاءات و كوادر و خبرات و تنظيم قوي جدا تطبق الفكرة الإسلامية بشكل سليم بإذن الله يظهرها بالشكل اللائق بيها . و كمان عندك فى انتخابات تونس و المغرب فازت أحزاب محسوبة على الإخوان المسلمين و فكرهم، و متوقع يتكرر المشهد فى معظم الدول العربية اللى هيحصل فيها انتخابات حقيقية ... إذن انتخاب الحرية والعدالة هيسهل أكتر و أكتر التعاون العربي و الإسلامي بإذن الله .
4- لو بتدور على البرامج الانتخابية .. فهتلاقى برنامج ضخم للحرية و العدالة لإصلاح مصر من كافة النواحي و كلام حلو أوى أوى زي ما قلبك و عقلك يحبوا ! .
5- لو انت عارف إن كل البرامج بتاعت الأحزاب زي بعضها تقريبا { هو فيه حد مش هيقولك هعمل حرية و عدالة اجتماعية و .. و .. ، ده كلهم حتى دلوقت بقوا بيعتبروا القرآن دستورنا :) } ، و أهم حاجة الكوادر اللى تنفذ الكلام .. فمش هتلاقى أقوى من الحرية و العدالة بإذن الله .. والدليل النجاح الضخم فى المقاعد الفردية فى المرحلتين ، ده غير التنظيم القوي اللى هيوجه طاقات الكوادر الكتير ديه كلها ، و يعمل تناسق فى خطط الإصلاح و عمل على كذا جبهة فى نفس الوقت ( النقابات - البرلمان - العمل الخيري - الوزارات بإذن الله - الجامعات ..الخ ) .
6- لو انت قلقان أوى من صعود السلفيين و شايفهم هيرجعوا مصر بعد ركوب الأوبل لركوب الإبل .. الخ ( بغض النظر عن صدق أو زيف كثير من الاتهامات التى توجه للسلفيين ، فهناك موجة تخوف واضحة منهم ظهرت فى التصويت العقابي الواضح ضدهم فى جولات الإعادة الفردية ) .. برضه انتخب الحرية و العدالة ... لا يفل الحديد إلا الحديد يا ريس ! .
7- لو انت من " شباب الثورة " انتخب الحرية و العدالة برضه ! ، و قبل ما تشتم .. هقولك ليه !
* الإخوان المسلمون هم أكثر طرف شارك فى الثورة وما زال يحظي بقبول شعبي كبير لأنه أجاد الاتزان بين المسار الثوري فى الشارع و المسار الاستقراري - إن جاز التعبير- ، وذلك لأنه كان الأفضل قراءة للشارع المصري .... قد تختلف معهم و تكرههم أو تكره مواقفهم ، لكن أنا أتكلم عن واقع دلوقت .
*مين هيكون أفضل بالنسبة للثورة من طرف يمتلك الكثير من المقومات المؤهلة لتنفيذ أهداف الثورة إنقاذ مصر من الوضع الصعب ( لمحت أنا للمقومات ديه فى النقط السابقة ) ، و فى نفس الوقت يكون طرف محسوب على الثورة ، و يكون سد منيع ضد الفلول و شايل منهم أوي أوي ، و فى نفس الوقت يقدر يلاعب المجلس العسكري سياسة صح و يرفع ايده عن مصر بأقل الخسائر ؟؟؟؟؟؟
8- لو انت براجماتى وما يهمكش غير مصلحتك ، و مالكش فى الحوارات بتاعت الأيدولوجيات و الكلام " الفارغ " ده ، و شايفه كله سفسطة ، و كل اللى فى دماغك إن دخلك يزيد و الشوارع اللى بتمشى فيها تبقى أحسن ... عليك بالحرية و العدالة لإنهم الأقوى على المسئولية الضخمة ديه للأسباب اللى فوق و اللى لسه هتيجي .
9- لو انت ليبرالي وطني بتحب مصر ، خش وعلم ع الميزان ! .. مش انت عايز حرية و عايز احترام لإرادة الناس الحرة و ديه من أهم مبادئك ؟؟ .. مين أكتر طرف دافع عن الاتنين بجد و معتبر ملاذه الوحيد و ملاذ مصر فى صوت الناس ؟ .. حزب الوغد مثلا اللى حبيبنا السلمي أحد قياداته واللى الفلول منورين فى قوايمه ؟ .. و لا الكتلة بتاعت القرآن دستورنا و حشد الأصوات بواسطة الكنيسة ؟!! ولا النخبة اللى راحت للمجلس العسكري من تحت لتحت تتحايل عليه بلاش انتخابات لحسن الإسلاميين جايين ؟؟ و لا اللى فى العلن طلبوا من العسكر يقعدوا سنتين ثلاثة ؟؟ .. و لا .. و لا ... الخ ... و على رأي المثل .. " رُبَّ واحد مش على نفس أيدولوجيتك .. لكن هو الأقرب لمبادئك " ... :)))) ......
* ملحوظة : للأسف ، أشرف الليبراليين - فى رأيى - و الأفضل مواقفا ، هم الأضعف انتخابيا .
10- لو انت بتفكر بطريقة " لوكال " فى موضوع الانتخابات ، و عايز واحد تكون عارفه و يكون له شعبية .. فقائمة الحرية و العدالة فى الغربية كل واحد فيها له شعبية كبيرة الحمد لله فى منطقته ... و كتير من المرشحين فى الغربية نواب سابقين من اللى احترفوا مقارعة النظام السابق ( بالذمة مقارعة ديه عامية ؟؟ .. حسبي الله و نعم الوكيل .. ههه ).
11- لو مش عارف أي حد فى المرشحين ، يبقى الاختيار حسب قوة الحزب و المنظومة .. مش كده ؟؟ .. فين مين بشهادة العدو قبل الصديق عنده أقوي تنظيم ، وشغال زي ما يكون مؤسسة ؟؟؟
12- لو بتحب اختيارك يبقى هو الكسبان وما بتستحملش الخسارة .... أظن مش محتاج أتكلم !
13- لو محتار تدى لمين ومش عارف مين أحسن .. فيه قبلك حوالي 10 مليون صوتوا للحرية و العدالة ، يد الله مع الجماعة يا أخي
:))))
14- لو عايز استقرار .. الناس ديه اتكفرت وطنيا و اتهمت فى الشرف الثوري بسبب إنها ما بتنزلش التحرير إلا للضرورة القصوي .. أي خدمة !
15 - لو انت كاره نفسك و الحياة والانتخابات و شايف كل الموجودين تييييييييييييييييت ... مين أحسن الوحشين ؟؟ .. أظن الحرية و العدالة ، على الأقل هما الأقدر على تغيير الواقع حواليك .
لو انت فيك كل اللى فات ده مع بعضه ... يعنى انت إسلامي ليبرالي وطني براجماتى لوكال و متوازن و توافقي و بتحب اختياراتك تكسب و مالكش رأي .. الخ ، يبقى يا سعدك يا هناك ! ، مش محتاج تفكر خالص .
و قبل ما أختم .. أحب أجاوب على سؤال سخيف حاسس إنه هيطلع ... انت مالك كده متحمس أوي للحرية و العدالة و قلبت كده فى الدعاية ليهم زي إعلانات قناة الناس و الرحمة التى تدمر الصحة و تسبب الوفاة ؟؟
ههههه .. بصوا .. حزب أرضاني فكريا و تنظيميا و أراه الأفضل لمصر و لتحقيق أهداف ثورتها بإذن الله و بأدلة أبنيها على منطق و تفكير قبل العاطفة .... ايه المشكلة فى تأييده بكل ما أوتيت من قوة طالما لم أزور وقائع أو أحرف حقائق ؟؟؟؟؟؟
نقطة أخيرة : لو لسه مصر تنتخب حد غير الحرية و العدالة .... خووووووووود الورقتين بتوع الانتخابات ، و علم على 5 فى الفردي و 3 فى القوائم .. ده قانون جديد لسه طالع حالا .
:))))))))))
و طبعا هيبقى الكلام فى نقط و على بلاطة ! ، و كلها بتتكلم عن ليه ننتخب حزب الحرية و العدالة مهما كانت توجهاتنا الفكرية .. (( و ياريت قبل ما حد يرد ، يقرأ الكلام بالكامل مش هياخد 5 دقايق ..... و الكلام هيكون جد على هزار كده تخفيفا لجرعة التوتر و العصبية ))
1- فى الأول كده أرد على السؤال التقليدي .. أما انتم طماعين أوي !! ، مش كفاية الأغلبية اللى أخدتوها لغاية دلوقت ؟؟
الإجابة : لأ .. البحر يحب الزيادة ، و طالما باختيار الشعب فانشالله ياخد 101% مفيش مشكلة .... و الدول اللى تقدمت بسرعة حوالينا كان فيها حزب أغلبية بينفذ برامجه بسلاسة.. مثال تركيا ، لم تتقدم إلا عندما حصل حزب العدالة و التنمية على الأغلبية سنة 2002 ، و فى المرتين انتخابات اللى بعدها الأتراك ادوله أغلبية أكبر .. فى انتخابات 2011 ، حصل على ثلثين المقاعد إلا 4 مقاعد !!
نقطة مهمة .. تحالف حزب الحرية و العدالة حتى الآن فى حدود الـ 45% من المقاعد ، و لم يحصل على أغلبية ، و فى كل الأحوال كل منا يدعو للطرف اللى شايفه الأجدر ، و لإن الانتخابات نزيهة و نسبة التصويت عالية جدا ، فهتلاقى الكل موجودين فى البرلمان ، لكن كل واحد بوزنه .
2- لو عايز توافق وطني .... مين يؤتمن عليه أكتر من طرف رغم إنه الأقوي و لو نظريا ، فهو فاتح دراعه للجميع و بيدعوهم للتحالف معاه ؟؟ .. و حتى اللى ما تحالفوش معاه مستعد للتوافق معاهم عشان مصلحة مصر ، و بيقول إن مصر لازم الكل يشارك فى شيل تركتها التقيلة .
3- لو عايز برلمان متوازن .. اختار الميزان برضه .. لإن حزب الحرية و العدالة ما اكتفاش بقوته و خبرته الانتخابية ، إنما أصر على التحالف مع أكببر عدد ممكن من الأحزاب ، و رغم إن أغلبها ساب التحالف الانتخابي ، فهو كمل مع الأحزاب الباقية مع إنها صغيرة جدا مقارنة بيه .
و فيه تنوع كبير .. هو و حزب العمل إسلاميين ، حزب الكرامة قومي عروبي ، حزب غد الثورة و الحضارة ليبراليين .. الخ
حتى الآن نجح حوالى 15 من مرشحي الأحزاب ديه على قوائم الحرية و العدالة ..
ملحوظة : رقم 4 فى قائمة الغربية 1 ، الأستاذ أبو المعالي فائق هو الأمين المساعد لحزب العمل ، و له مدونة اسمها " لقمة عيش " .
4- لو انت توجهك إسلامي ... و محتار بين كذا حزب بيحملوا نفس الفكرة - وكلهم إن شاء الله مخلصين - ، اختار الحرية و العدالة برضه ..
لإنه ملتزم ببرنامج إسلامي وسطي شامل ، و عنده كفاءات و كوادر و خبرات و تنظيم قوي جدا تطبق الفكرة الإسلامية بشكل سليم بإذن الله يظهرها بالشكل اللائق بيها . و كمان عندك فى انتخابات تونس و المغرب فازت أحزاب محسوبة على الإخوان المسلمين و فكرهم، و متوقع يتكرر المشهد فى معظم الدول العربية اللى هيحصل فيها انتخابات حقيقية ... إذن انتخاب الحرية والعدالة هيسهل أكتر و أكتر التعاون العربي و الإسلامي بإذن الله .
4- لو بتدور على البرامج الانتخابية .. فهتلاقى برنامج ضخم للحرية و العدالة لإصلاح مصر من كافة النواحي و كلام حلو أوى أوى زي ما قلبك و عقلك يحبوا ! .
5- لو انت عارف إن كل البرامج بتاعت الأحزاب زي بعضها تقريبا { هو فيه حد مش هيقولك هعمل حرية و عدالة اجتماعية و .. و .. ، ده كلهم حتى دلوقت بقوا بيعتبروا القرآن دستورنا :) } ، و أهم حاجة الكوادر اللى تنفذ الكلام .. فمش هتلاقى أقوى من الحرية و العدالة بإذن الله .. والدليل النجاح الضخم فى المقاعد الفردية فى المرحلتين ، ده غير التنظيم القوي اللى هيوجه طاقات الكوادر الكتير ديه كلها ، و يعمل تناسق فى خطط الإصلاح و عمل على كذا جبهة فى نفس الوقت ( النقابات - البرلمان - العمل الخيري - الوزارات بإذن الله - الجامعات ..الخ ) .
6- لو انت قلقان أوى من صعود السلفيين و شايفهم هيرجعوا مصر بعد ركوب الأوبل لركوب الإبل .. الخ ( بغض النظر عن صدق أو زيف كثير من الاتهامات التى توجه للسلفيين ، فهناك موجة تخوف واضحة منهم ظهرت فى التصويت العقابي الواضح ضدهم فى جولات الإعادة الفردية ) .. برضه انتخب الحرية و العدالة ... لا يفل الحديد إلا الحديد يا ريس ! .
7- لو انت من " شباب الثورة " انتخب الحرية و العدالة برضه ! ، و قبل ما تشتم .. هقولك ليه !
* الإخوان المسلمون هم أكثر طرف شارك فى الثورة وما زال يحظي بقبول شعبي كبير لأنه أجاد الاتزان بين المسار الثوري فى الشارع و المسار الاستقراري - إن جاز التعبير- ، وذلك لأنه كان الأفضل قراءة للشارع المصري .... قد تختلف معهم و تكرههم أو تكره مواقفهم ، لكن أنا أتكلم عن واقع دلوقت .
*مين هيكون أفضل بالنسبة للثورة من طرف يمتلك الكثير من المقومات المؤهلة لتنفيذ أهداف الثورة إنقاذ مصر من الوضع الصعب ( لمحت أنا للمقومات ديه فى النقط السابقة ) ، و فى نفس الوقت يكون طرف محسوب على الثورة ، و يكون سد منيع ضد الفلول و شايل منهم أوي أوي ، و فى نفس الوقت يقدر يلاعب المجلس العسكري سياسة صح و يرفع ايده عن مصر بأقل الخسائر ؟؟؟؟؟؟
8- لو انت براجماتى وما يهمكش غير مصلحتك ، و مالكش فى الحوارات بتاعت الأيدولوجيات و الكلام " الفارغ " ده ، و شايفه كله سفسطة ، و كل اللى فى دماغك إن دخلك يزيد و الشوارع اللى بتمشى فيها تبقى أحسن ... عليك بالحرية و العدالة لإنهم الأقوى على المسئولية الضخمة ديه للأسباب اللى فوق و اللى لسه هتيجي .
9- لو انت ليبرالي وطني بتحب مصر ، خش وعلم ع الميزان ! .. مش انت عايز حرية و عايز احترام لإرادة الناس الحرة و ديه من أهم مبادئك ؟؟ .. مين أكتر طرف دافع عن الاتنين بجد و معتبر ملاذه الوحيد و ملاذ مصر فى صوت الناس ؟ .. حزب الوغد مثلا اللى حبيبنا السلمي أحد قياداته واللى الفلول منورين فى قوايمه ؟ .. و لا الكتلة بتاعت القرآن دستورنا و حشد الأصوات بواسطة الكنيسة ؟!! ولا النخبة اللى راحت للمجلس العسكري من تحت لتحت تتحايل عليه بلاش انتخابات لحسن الإسلاميين جايين ؟؟ و لا اللى فى العلن طلبوا من العسكر يقعدوا سنتين ثلاثة ؟؟ .. و لا .. و لا ... الخ ... و على رأي المثل .. " رُبَّ واحد مش على نفس أيدولوجيتك .. لكن هو الأقرب لمبادئك " ... :)))) ......
* ملحوظة : للأسف ، أشرف الليبراليين - فى رأيى - و الأفضل مواقفا ، هم الأضعف انتخابيا .
10- لو انت بتفكر بطريقة " لوكال " فى موضوع الانتخابات ، و عايز واحد تكون عارفه و يكون له شعبية .. فقائمة الحرية و العدالة فى الغربية كل واحد فيها له شعبية كبيرة الحمد لله فى منطقته ... و كتير من المرشحين فى الغربية نواب سابقين من اللى احترفوا مقارعة النظام السابق ( بالذمة مقارعة ديه عامية ؟؟ .. حسبي الله و نعم الوكيل .. ههه ).
11- لو مش عارف أي حد فى المرشحين ، يبقى الاختيار حسب قوة الحزب و المنظومة .. مش كده ؟؟ .. فين مين بشهادة العدو قبل الصديق عنده أقوي تنظيم ، وشغال زي ما يكون مؤسسة ؟؟؟
12- لو بتحب اختيارك يبقى هو الكسبان وما بتستحملش الخسارة .... أظن مش محتاج أتكلم !
13- لو محتار تدى لمين ومش عارف مين أحسن .. فيه قبلك حوالي 10 مليون صوتوا للحرية و العدالة ، يد الله مع الجماعة يا أخي
:))))
14- لو عايز استقرار .. الناس ديه اتكفرت وطنيا و اتهمت فى الشرف الثوري بسبب إنها ما بتنزلش التحرير إلا للضرورة القصوي .. أي خدمة !
15 - لو انت كاره نفسك و الحياة والانتخابات و شايف كل الموجودين تييييييييييييييييت ... مين أحسن الوحشين ؟؟ .. أظن الحرية و العدالة ، على الأقل هما الأقدر على تغيير الواقع حواليك .
لو انت فيك كل اللى فات ده مع بعضه ... يعنى انت إسلامي ليبرالي وطني براجماتى لوكال و متوازن و توافقي و بتحب اختياراتك تكسب و مالكش رأي .. الخ ، يبقى يا سعدك يا هناك ! ، مش محتاج تفكر خالص .
و قبل ما أختم .. أحب أجاوب على سؤال سخيف حاسس إنه هيطلع ... انت مالك كده متحمس أوي للحرية و العدالة و قلبت كده فى الدعاية ليهم زي إعلانات قناة الناس و الرحمة التى تدمر الصحة و تسبب الوفاة ؟؟
ههههه .. بصوا .. حزب أرضاني فكريا و تنظيميا و أراه الأفضل لمصر و لتحقيق أهداف ثورتها بإذن الله و بأدلة أبنيها على منطق و تفكير قبل العاطفة .... ايه المشكلة فى تأييده بكل ما أوتيت من قوة طالما لم أزور وقائع أو أحرف حقائق ؟؟؟؟؟؟
نقطة أخيرة : لو لسه مصر تنتخب حد غير الحرية و العدالة .... خووووووووود الورقتين بتوع الانتخابات ، و علم على 5 فى الفردي و 3 فى القوائم .. ده قانون جديد لسه طالع حالا .
:))))))))))
ليست هناك تعليقات:
إرسال تعليق