أموت وأطلع على قمة جبل عالى
سحاب أبيض جميل طاهر يغلـِّـف مَد إبصاري
وشمس الكون على يمينى بتِحـْـلالى
وطاقة النور تجدد دفء أطلالى
وتبنيها ... تجمـِّــلها ... تعلـِّـــيها
وأصرخ صرخة جبارة ... تـِـسـَـمَّــعْ كل إنس وجان
وتملى العمر بالألوان
وتطوى صفحة الأحزان
وتمحى الظلمة والظالمين .. كإن الظلم فى بلادى فى يوم ما كان
بقيت إنسان
بقيت إنسان
بقيت إنسان
***************************
وفى الأعلى دماغ تعبت من التفكير
شجون الكون بتنسفها كما التفجير
وتبكى الفكرة فى دماغى من التأثير
وتدمع روحى م المعنى
ويصرخ قلبى : ايه معنى ؟؟
نعيش .. والظلم يركبنا !
وخزي الذل يمسَخـْـنا
وأحقر كلب يحكمنا
سنين وسنين بيقهرنا
يـِـعـِدّ علينا أنفاسنا
يعض بـِــغـِــلّ أحلامنا !
يسمم فيها وجداننا
يدمـَّـر مجد أوطاننا
يخليها رهينة ذُلـُّــهْ وخيانتُـه وإذعانُــهْ لأعداءنا
ولينا عضة الأنياب .. وليهم هزِّتـُـه لديله !
ويتشخلعْ ويتغـنَّـى برضا سيدُه !
فى تل أبيب وواشنطن
أنا من الحـُـرْقـَـه هتجنـِّـنْ !
لكن أنا أصبح بإمكاني
أمزق قيد
وأمسح دمع أوطانى
بثورة مجد فوَّاحة بريحة فـُــلّ ربـَّـاني
ويستقبل دماء العزة شرياني
فأقوم أهتف بصوت صادق و حيـَّـاني
بقيت إنسان
بقيت إنسان
بقيت إنسان
***************************
يا تورة تونس الخضرا
يا أول قطرة فى المَجـْـرى
لنهر طويل من الأحرار هيروى عطشـِة الأسرى
ويحمل م السما البشرى
بأجمل عمرنا بـُــكرا
تحية حب جبارة
وألف عـِـبارة وعـِـبارة
فى مدحك يا بلد حـُـرَّهْ
وكافـِـئـْـنا إلـه الكون
وكافئ دمعة المحزون
وحقق حلم للمجنون !
وثارت أختــِــكِ الكبري !
******************************
ومن تونس لإمبابة
مسيرة بعث غلاّبة
وروح الثورة منسابة
من " القصرين " لـ " باب اللوق "
ومن " بـِـنـْـزِرْت " راية نصر ع الطغيان تحلـَّــقْ فوق
ترفرف فى السما ف " طنطا "
وفى رحابـِــك عروسة البحر يا حـُـرَّة
وشعب قنال ورجالة فى صعيد بلدي بتظهر أعظم القــُــدرة
وتهزم قوة مـُـغتـَـرَّة
وتنزع يا بلد عنـِّـك ثياب العجز والقــَــهرة
تخلـَّــص مصر م السـُّــخرة
وعين بتبص ع التحرير .. وعين على قبة الصخرة !
********************************
وكل الدنيا ع المصري تبص .. تشوف
ميلاد تانى لمصر وعزها المعروف
وأنا اتخلصت من قيدك على روحي يا أحقر خوفْ
أنا المصرى ... بقول إنى بقيت إنسان
بإذن الله .. هقوم وأسبق بنى الإنسان
فقول للأمة تتهنــَّــى
بصوت النصر تتغنـَّــى
وتحلم باللى جاي أحلى .. و تتخيـِّــل و تتمنــَّــى
مفيش أمجاد هتـِـسـتـنـَّــى
ديه مصر الحرة يا اخواننا !!
******************************
بأجمل عمرنا بـُــكرا
تحية حب جبارة
وألف عـِـبارة وعـِـبارة
فى مدحك يا بلد حـُـرَّهْ
وكافـِـئـْـنا إلـه الكون
وكافئ دمعة المحزون
وحقق حلم للمجنون !
وثارت أختــِــكِ الكبري !
******************************
ومن تونس لإمبابة
مسيرة بعث غلاّبة
وروح الثورة منسابة
من " القصرين " لـ " باب اللوق "
ومن " بـِـنـْـزِرْت " راية نصر ع الطغيان تحلـَّــقْ فوق
ترفرف فى السما ف " طنطا "
وفى رحابـِــك عروسة البحر يا حـُـرَّة
وشعب قنال ورجالة فى صعيد بلدي بتظهر أعظم القــُــدرة
وتهزم قوة مـُـغتـَـرَّة
وتنزع يا بلد عنـِّـك ثياب العجز والقــَــهرة
تخلـَّــص مصر م السـُّــخرة
وعين بتبص ع التحرير .. وعين على قبة الصخرة !
********************************
وكل الدنيا ع المصري تبص .. تشوف
ميلاد تانى لمصر وعزها المعروف
وأنا اتخلصت من قيدك على روحي يا أحقر خوفْ
أنا المصرى ... بقول إنى بقيت إنسان
بإذن الله .. هقوم وأسبق بنى الإنسان
فقول للأمة تتهنــَّــى
بصوت النصر تتغنـَّــى
وتحلم باللى جاي أحلى .. و تتخيـِّــل و تتمنــَّــى
مفيش أمجاد هتـِـسـتـنـَّــى
ديه مصر الحرة يا اخواننا !!
******************************
ليست هناك تعليقات:
إرسال تعليق