31‏/03‏/2008

يارب مانسمع الكلام ده فى أوضة عمليات ! ( منقول من النت )


كلمات و جمل ماتزعلش حد ، إلا لو سمعتها من دكتور و انت فى أوضة العمليات:-

- يااااااالهوى!

- هيييييه النور جه!

- طيب اذا كان ده البنكرياس ، أمال اللى طلعناه ده يبقى ايه؟

- حد شاف الدبله بتاعتى؟

- طب أقوله ايه لما يفوق؟

- ياما ربنا بيخلق عجايب ، ماحدش معاه كاميرا يا اخوننا؟

- ولا حركه ماحدش يخيط ، أنا مش لاقى الكونتاكت لنسز بتاعتى!

- ياجماعه تعرفوا إذا كان حد عاش بعد ما خد 500 مللى من الهباب ده؟

- شيل ايدك ، الحاله دى بتاعتى أنا ، ولا هى الكحكة فى إيد اليتيم عجبه؟

- آه ياااااعينى! والله مانا سايبك!

- حد يسكت الزفت اللى بيدق ده ، مش مخلينى عارف أركز!

- إنت متأكد إن الحاله عارفة ان شكلها حيبقى كده بعد العملية؟

- ريحة شياط؟ ...حريقة......حريقة....!!

- مسمار بلاتين مين يابا، شوف له أى مسمار من الوكالة ، عياله أولى!

- ياراجل توكل على الله ، ماهى الأرضية برضه معقمة!

- عقمى السباك و دخليه بسرعة ، النيلة ده بيخر!

- يابت مش وقته ، العيان قرب يفوق!!

- الله يخرب بيتك ، ده عصب يابنى مش أستك بتاع نبلة!!

- يامامى، دم؟

- طيب ده شريان ، وده وريد ، وده عصب ، أمال ده يطلع ايه؟ حبل غسيل؟




هناك 4 تعليقات:

Unknown يقول...

÷هههههههههههههه
ماشي يادكتور
يازميل

Unknown يقول...

ازيك ياإنسان ، شكرا على الرد ن بس إوعى تكون من اللى هيقولوا الكلام ده فى أوضة العمليات .

MOAMEN FARAG يقول...

بجد مدونتك جامدة جدا
وربنا يستر علىنا منكم اول مرة اشوف ناس تفضح نفسها كدة
الواحد بعدكدة ياخد حد معاة وهو بيعمل عمليةالواحد مش ضامن ممكن الدكتور ينسى حاجة جوة او يطلع استك يلعب بية او يوقف قلبى عشان يعرف يشتغل
ربنا يستر !!!!!!!!!!!!!!

Unknown يقول...

ما تخافش خاااااااااااااااااااااااااااااااالص يا عم مؤمن ، وتعالالى أما أتخرج وأنا أدرب ... قصدى أعاللجك أحححححححححسن علاج ! .