- أنا مقفول من الانتخابات الجاية ديه قفلة سواااااااااد ! ... شكله هيبقى برلمان إخوان على فلول ، و احنا أوت !
* " احنا " تقصد بيها مين ؟؟
- " احنا " الثوار و شباب الثورة .
* طب و هو الإخوان مش محسوبين من الثوار ؟؟ و لا تضحياتهم قبل الثورة ، ونزولهم بكامل العدد ابتداء بجمعة الغضب إلى تنحى مبارك ، مش كفاية عشان يكونوا ثوار ؟
- ما قلناش حاجة يا عم .. بس هما منظمين أوى ، و مستعجلين على الانتخابات عشان يكوشوا ع البرلمان .
* ههههههههه ، مش الشعب اللى هيختارهم ؟؟؟
- يا عم الحج .. أغلب الناس مش لاقية بدائل ليهم .. فهتختارهم و خلاص .. بدل الفلول ، و كمان الناس هتقول دول عالم بتوع ربنا و الكلام اللى انت عارفه كده .
* هههههههه .. يا عم لو الناس مش لاقيالهم بدائل .. يبقوا هما أنسب الناس للمرحلة ديه .. انت زعلان ليه ؟
- هو انت عشان بتحبهم خلاص هتخليهم " رجال المرحلة " و " نحمل الخير لمصر " و الكلام الكبير ده .. ناقص تقوللى انتخابهم فريضة شرعية !
* ههههههههه مش للدرجة ديه ... بص .. هما بشر زيهم زي غيرهم ، و حزبهم ده جماعة بشرية يجوز عليها الخطأ و سوء التقدير .. الخ أحيانا ، لكن كفة مميزاتهم عندى تغلب كفة النقائص بكتير ...
شغلهم مؤسسى أو شبه مؤسسى و لا تخرج القرارات الحاسمة إلا بعد تفكير و شوري طويلة // مواقفهم الوطنية واضحة جدا و تضحياتهم لا ينكرها إلا جاحد // الوحيدون فى مصر القادرون على إقامة مشاريع إصلاح شاملة فى أكثر من اتجاه و بطرق متنوعة : أعمال خيرية - حكومة - نقابات - مساجد .. الخ // خبراتهم الانتخابية متوفرة و قادرون على قطع الطريق بكفاءة على الفلول و المتأمركين .. الخ // راغبون فى التعاون مع الجميع // أصحاب عقيدة راسخة و يعملون وفق روح و حماسة قوية جدا // مرجعيتهم الفكرية هي الفكر الإسلامي الوسطي و مشروع الإسلام الحضارى الذى يحمل الخير لمصر و للأمة العربية و الإسلامية و للبشرية كلها // و ...
- خلاص خلاص يا عم ! .. انت فتحت كده ليه فى الكلام ! ، ايه الحنان ده كله ؟؟ ، شوية و هتضربلى معاد مع المرشد عشان أنضم !
* هههههههههه .. لا يا عم .. المرشد مشغول أوى اليومين دول فى التظبيطات الانتخابية .. أجيبلك ورق عضوية الحرية و العدالة أحسن ؟؟
- لا يا عم .. يفتح الله ! ، متشكرين ، أنا مبسوط بنفسى كده .
* و أنا عايزك مبسوط علطول ، أهم حاجة عندى إنه ما يبقاش فيه حاجز نفسى يمنعك من النقاش معايا و الأخد و الرد فى الموضوع .. اختلف مع الإخوان - اللى أنا بحبهم و بؤيدهم - براحتك ، و انتقدهم .. بس أهم حاجة يكون نقد بناء بإخلاص ، و عايز مصلحتهم .
و أهم حاجة عندى .. لا تخوين و لا تجريح .
و لو لقيتهم فى دايرتك هما الأفضل ما تترددش و انتخبهم ... و لو مدوا ايد التعاون ليك فى كبيرة أو صغيرة ، ما تترددش ، و لو ..
- خلاص يا عم ... انت هتفتح تاني ! ، ايه جو النصح و الإرشاد ده ؟! ، ما عندكش بالمرة نصيحة أخيرة تهدى بيها أخوك الضال يا إخوانجي ؟؟
* علم ع " الميزان " يا مان ! ...... سلامات و ربنا يوفق مصر .
* " احنا " تقصد بيها مين ؟؟
- " احنا " الثوار و شباب الثورة .
* طب و هو الإخوان مش محسوبين من الثوار ؟؟ و لا تضحياتهم قبل الثورة ، ونزولهم بكامل العدد ابتداء بجمعة الغضب إلى تنحى مبارك ، مش كفاية عشان يكونوا ثوار ؟
- ما قلناش حاجة يا عم .. بس هما منظمين أوى ، و مستعجلين على الانتخابات عشان يكوشوا ع البرلمان .
* ههههههههه ، مش الشعب اللى هيختارهم ؟؟؟
- يا عم الحج .. أغلب الناس مش لاقية بدائل ليهم .. فهتختارهم و خلاص .. بدل الفلول ، و كمان الناس هتقول دول عالم بتوع ربنا و الكلام اللى انت عارفه كده .
* هههههههه .. يا عم لو الناس مش لاقيالهم بدائل .. يبقوا هما أنسب الناس للمرحلة ديه .. انت زعلان ليه ؟
- هو انت عشان بتحبهم خلاص هتخليهم " رجال المرحلة " و " نحمل الخير لمصر " و الكلام الكبير ده .. ناقص تقوللى انتخابهم فريضة شرعية !
* ههههههههه مش للدرجة ديه ... بص .. هما بشر زيهم زي غيرهم ، و حزبهم ده جماعة بشرية يجوز عليها الخطأ و سوء التقدير .. الخ أحيانا ، لكن كفة مميزاتهم عندى تغلب كفة النقائص بكتير ...
شغلهم مؤسسى أو شبه مؤسسى و لا تخرج القرارات الحاسمة إلا بعد تفكير و شوري طويلة // مواقفهم الوطنية واضحة جدا و تضحياتهم لا ينكرها إلا جاحد // الوحيدون فى مصر القادرون على إقامة مشاريع إصلاح شاملة فى أكثر من اتجاه و بطرق متنوعة : أعمال خيرية - حكومة - نقابات - مساجد .. الخ // خبراتهم الانتخابية متوفرة و قادرون على قطع الطريق بكفاءة على الفلول و المتأمركين .. الخ // راغبون فى التعاون مع الجميع // أصحاب عقيدة راسخة و يعملون وفق روح و حماسة قوية جدا // مرجعيتهم الفكرية هي الفكر الإسلامي الوسطي و مشروع الإسلام الحضارى الذى يحمل الخير لمصر و للأمة العربية و الإسلامية و للبشرية كلها // و ...
- خلاص خلاص يا عم ! .. انت فتحت كده ليه فى الكلام ! ، ايه الحنان ده كله ؟؟ ، شوية و هتضربلى معاد مع المرشد عشان أنضم !
* هههههههههه .. لا يا عم .. المرشد مشغول أوى اليومين دول فى التظبيطات الانتخابية .. أجيبلك ورق عضوية الحرية و العدالة أحسن ؟؟
- لا يا عم .. يفتح الله ! ، متشكرين ، أنا مبسوط بنفسى كده .
* و أنا عايزك مبسوط علطول ، أهم حاجة عندى إنه ما يبقاش فيه حاجز نفسى يمنعك من النقاش معايا و الأخد و الرد فى الموضوع .. اختلف مع الإخوان - اللى أنا بحبهم و بؤيدهم - براحتك ، و انتقدهم .. بس أهم حاجة يكون نقد بناء بإخلاص ، و عايز مصلحتهم .
و أهم حاجة عندى .. لا تخوين و لا تجريح .
و لو لقيتهم فى دايرتك هما الأفضل ما تترددش و انتخبهم ... و لو مدوا ايد التعاون ليك فى كبيرة أو صغيرة ، ما تترددش ، و لو ..
- خلاص يا عم ... انت هتفتح تاني ! ، ايه جو النصح و الإرشاد ده ؟! ، ما عندكش بالمرة نصيحة أخيرة تهدى بيها أخوك الضال يا إخوانجي ؟؟
* علم ع " الميزان " يا مان ! ...... سلامات و ربنا يوفق مصر .
ليست هناك تعليقات:
إرسال تعليق